«Құрыш білекті құрылысшылар»

8.08.2019 г.

Ғ.Сланов атындағы облыстық ғылыми әмбебап кітапханада 11 тамыз – Құрылысшылардың кәсіби мерекесіне орай «Құрыш білекті құрылысшылар» деген тақырыпта кітап көрмесі жасақталды. Кітап көрмесін таныстыру барысында кітапханашы Бибігүл Қадырқызы оқырмандар назарына қазіргі заманғы ғылыми-техникалық жетістіктер мен құрылыс өндірісінде кешенді механикаландыруға негізделген үймереттер мен ғимараттарды тұрғызудың тәсілдері туралы баяндалған С.Қ.Хамзиннің «Үймереттер мен ғимараттардың құрылыс технологиясы» («Білім», 1994), заттың сыртқы бетін сырлауға дайындау,  бояу құрамына кіретін заттарды қосу, әр түрлі материалдан жасалған шатыр жамылғысын сырлау, көркемдеп әрлеу оларды пайдалану мен қауіпсіздік техникасының талаптары туралы айтылған Е.Белоусовтың «Сырлау жұмыстарының технологиясы»(«Мектеп», 1988), жеке үй салушыларға, ағаш шеберлеріне арналған Ә.Оспановтың «Шеберлікке үйрен» («Қайнар»,1976) және орыс тілінде В.Путилиннің «Основы строительного дела», А.Дыховичныйдың «Строительная механика» және т.б. әдебиеттердегі  мағлұматтарды әңгімесіне арқау етті.

Мақсаты: Оқырмандарға құрылыс саласындағы көптеген жұмыстарды жете білудің айрықша маңыздылығын түсіндіру.