Темірбек Жүргенов – асыл өнердің алып нары

Темірбек Жүргенов – асыл өнердің алып нары

Есімі тек қана қазаққа ғана емес, иісі түркі жұртына мәлім, Орта Азия мен Қазақстанға ортақ тұлға, аса көрнекті қоғам және мемлекет қайраткері, қаламы қарымды сыншы-көсемсөз иесі Темірбек Жүргеновтің туғанына 125 жыл толуына орай «Темірбек Жүргенов – асыл өнердің алып нары» тақырыбында ақпараттық сағат ұйымдастырылды.

Қазақстанда ғылымның, мәдениеттің алғаш негізін қалаған тұлғалардың бірі. Қысқа ғұмырының ішінде артына өшпес із қалдырған ұлы тұлға Т.Жүргенов қазақы қалпымызды сақтауға және мәдениетіміз бен өнерімізді дамытуға өлшеусіз үлес қосқан ардақты азаматтың руханият тарихында алатын орны бөлек.

Шара барысында кітапханашы Т.Жүргеновтің тарихи тұлғасы мен қайраткерлік қарымы және тағылымға толы өнегелі ғұмыры туралы мәліметтерді әңгімесіне арқау етті. Сондай-ақ мемлекет қайраткері туралы жазылған әдебиеттер мен мерзімді баспасөз беттерінде жарық көрген материалдар оқырмандар назарына ұсынылды. Шара соңында оқырмандарға бүгінгі ұрпақ есімін құрметпен атайтын айтулы тұлға көрнекті қоғам және мемлекет қайраткері Темірбек Жүргеновтің өмірі мен еңбектерінен сұрақтар қойылып, жауаптар алынды.

https://www.facebook.com/atyraulib.kz/posts/671810131751272