КҮНТІЗБЕ 2024
27.12.2019 ж.
«Бір ел – бір кітап» - 2019
Ғ.Сланов атындағы Атырау облыстық ғылыми әмбебап кітапханада «Ашық есік күні» аясында Республикалық дәстүрлі «Бір ел – бір кітап» акциясының жыл кітабы болып таңдалған қазақтың көрнекті жазушысы Әбіш Кекілбаевтың және белгілі ақын Әбділда Тәжібаевтың шығармашылықтары бойынша «Көркем сөздің шеберлері» атты ақпараттық-танымдық шара ұйымдастырылды.
Кітапханашы Ағайша Уахитқызы шараға қатысқан оқырмандарға жыл кітаптары авторларының шығармалары туралы кеңінен әңгімелеп берді. Оқырмандар назарына Ә.Кекілбаевтың «Дүние ғапыл», «Құсқанаты», «Үркер», , «Махаббат мұнарасы», «Аңыздың ақыры», Ә.Тәжібаевтың «Кешегіден бүгінге», «Этюдтар», «Жартас», «Қыз бен солдат», «Құрдастар», «Есімдегілер», «Жаданов әңгімелері», «Аралдар» атты кітаптары туралы көптеген мағлұматтарды әңгімесіне арқау етті.
Мақсаты: Кітапхананы жарнамалау,Республикалық «Бір ел – бір кітап» акциясын, Ә.Кекілбаев пен Ә.Тәжібаевтың шығармаларын насихаттау.
