КҮНТІЗБЕ 2024
09.12.2022
«Ақнар - қобыз»
Нұрмұхан Жантөрин атындағы облыстық филармонияда қобыз дәстүрін ұстанушы, өнертанушы, композитор, Дина Нұрпейісова атындағы академиялық қазақ халық аспаптар оркестрінің әртісі Ақнар Тәттібайқызының «Ақнар - қобыз» шығармашылық кеші өтті.
Шара аясында Ғ.Сланов атындағы облыстық ғылыми әмбебап кітапханасы «Қобыз өнері - әулетіне қонған бақ» атты кітап көрмесін ұйымдастырды.
Кітап көрмесіне кеш қонақтарының назарына өнертанушы, композитордың қазақ және орыс тілдерінде жарық көрген еңбектері қойылған. Ақнар Тәттібайқызы «Елдің Ықыласы» атты ән жинағының (2013 ж.), «Бұлақ көрсең, көзін аш» (2016 ж.) кітаптарының авторы. «Асуы биік оркестр» атты академиялық Дина Нұрпейісова атындағы қазақ халық оркестрінің деректі-суретті тарихи шежіренің құрастырушысы және Д.Нұрпейісова атындағы академиялық қазақ халық аспаптар оркестры туралы «Дәуірмен үндес ұжым» деректі фильм идеясының авторы (2019 ж). Орындаған қобыз күйлері «Алтын қор» мен көптеген халықаралық және республикалық жобалар бойынша дайындалған дискілерге, телевизиялық бағдарламаларға, анимациялық фильмдерге енгізілген.
Кітапханашы кітап көрмесін таныстыру барысында Ақнар Тәттібайқызы туралы көптеген мағлұматтарды әңгімесіне арқау етті. Өнер сапарларымен республика көлемінде, Қырғызстан, Ресей, Сербия, Мажарстан, Түркия, Франция, Англия елдерінде дәстүрлі қобыз өнерін насихаттаған. 20 әннің композиторы. Күйшілер Одағының мүшесі. Атырау облысы бойынша филиал жетекшісі.
Мақсаты: Дәстүрлі өнерді ұстанушы, қобызшы Ақнар Тәттібайдың шығармашылығын насихаттау.
