КҮНТІЗБЕ 2024
10.08.23
«Абай ұлттың айнасы» салтанатты шара
Бүгін 10 тамыз қазақтың бас ақыны Абай Құнанбайұлының туған күніне арналған «Абай ұлттың айнасы» атты салтанатты шара өтті.
М.Өтемісұлы атындағы академиялық қазақ драма театры әртістері театрландырылған прологпен шараны ашып, қатысушылар Абай ескерткішіне гүл шоқтарын қойып, ақын рухына тағзым етті.
Жиында облыс әкімінің орынбасары Мурзиев Марат Бисенғалиұлы атыраулықтарды айтулы күнмен құттықтады.
Туған халқының бірлігі мен бақытын арман еткен, елінің ықыласына мәңгілік бөленген ұлт данышпаны Абай бабамызға арналған рухани шарада тарихи тұлғалар шеруі өтті. Сонымен қатар Абайдың өлеңдері оқылып, әндері айтылды.
Сондай-ақ Ғ.Сланов атындағы облыстық ғылыми әмбебап кітапханасы «Абай дана, Абай дара қазақта» атты кітап көрмесін келген қонақтардың назарына ұсынды.
Кітап көрмесіне қазақтың ұлы ақыны, композитор, философ, ағартушы, ұлттық және реалистік жазба әдебиетінің негізін қалаушы Абай Құнанбайұлының ғибратты ғұмыры, шынайы шығармашылығы мен музыка саласына қосқан үлесі мен Абай мұрасы туралы әдебиеттер қойылып, оқырмандарға насихатталды.
