«Айдында жүзген айсәуле»

2.09.2020 ж.

«Айдында жүзген айсәуле»

          Ғ.Сланов  атындағы облыстық ғылыми әмбебап кітапханасында  ақын, Қазақстанның халық жазушысы Жұбан Молдағалиевтің  туғанына 100 жыл толуына орай  «Айдында жүзген айсәуле» атты тақырыппен әдеби-сазды  қонақжай ұйымдастырылды.

Қонақжайға №5546  әскери бөлімінің клуб меңгерушісі, лейтенант Шынжигитова Малика Серикбайқызы ақынның «Мен қазақпын» поэмасынан үзінді оқыса, сарбаздар Мұқашев Айбек «Солдаттар өтіп барады», Жолшара Нұртілеу «Солдат сыры»,  Едігенов Нұрлан   Жұбан ақынға шығарған арнау өлеңін оқып берді.

Кітапхананың тұрақты оқырмандары Х.Досмұхамедов атындағы Атырау Мемлекеттік Университеті көп тілді білім беру факультеті филология мамандығының студенті Жетпісбаева Фариза  және М.Сүндетов атындағы  Атырау медициналық колледжінің түлегі Талап Нұрай  Жұбан Молдағалиевқа шығарған арнау өлеңдерін оқып берді. Кітап көрмесіне ақынның «Поэмалар»(1960), «Жесір тағдыры» (1961), «Кісен ашқан»(1969), «Жыр күнделіктері»(1981),  «Қызыл қайың»(1973), «Қыран дала» (1974), «Сел» (1975),   «Жұбан Молдағалиев»  өлеңдер                1 том(1979),  «Жұбан Молдағалиев» өлеңдер 3том(1981), «Бес томдық шығармалар жинағы»(2014),  «Кісен ашқан»(2014),  Әдебиет әлемі сериясымен «Жұбан Молдағалиев» (2018) және  ақынның өмірі мен шығармашылығы жайлы жазылған  С.Иманасов 5 том, Б.Сарбала «Бес мүшелі», Б.Сахариев шығармалары, А.Бақтыгереева «Парасат сөзі» т.б. кітаптары қойылды.

https://www.facebook.com/1699390660302451/posts/2758003667774473/