Ақтабан шұбырынды – қасіретті кезең

Ақтабан шұбырынды – қасіретті кезең

        Ақтабан шұбырынды, Алқакөл сұлама – қазақ халқының тарихындағы ащы қасірет, Отан басына күн туған аса қайғылы  кезеңінің тарихи оқиғасына 300 жыл толуына орай, «Ақтабан шұбырынды-қасіретті кезең» атты кітап көрмесі ұйымдастырылды. Кітап көрмесіне кітапхана оқырмандары мен Утемисова Дильназ қатысып, тарихи оқиғаның маңызы туралы өз ойларымен бөлісті.

          1723-1727 жылдар қазақ халқының жадында тарихтағы қиын кезеңдердің бірі ретінде қалды. 1722 жылы ойраттармен ұзақ уақыт соғысқан цин боғдыханы Канси қайтыс болғаннан кейін Қытаймен шекарада біраз орнаған тыныштық Цеван-Рабданның Қазақстанға жаңа күшті соққы беруіне мүмкіндік берді. Осылайша 1723 жылдың көктемінде жоспарланған жаулап алу жорығы қазақ халқының тарихына «Ұлы апат жылдары» - «Ақтабан шұбырынды, Алқакөл сұлама»  атауымен енген. Шәкәрім Құдайбердиевтің түсіндірмесіне сәйкес, "жаяу-жалпы адамдардың ақ табан болғанша жүгіріп қашуы" делінген. Дәл сол жылдары қазақтың ең көне әні – жоқтау «Елім-ай» қазақ қайғысының символы ретінде дүниеге келді.

https://www.facebook.com/atyraulib.kz/posts/675454258053526