КҮНТІЗБЕ 2024
Ақындық әлем – басқа әлем
Ақын өз заманының үні. Өз заманының жақсы жыршысы бола білген ақын кейінгі талай замандар үшін қымбат. Өлеңге парасат, сезім, сұлулық та қажет. Осы үш қасиет бас қосқан жерден анық поэзияны табамыз. Қойшығұл Жылқышиев туған топырағынан дарыған, Махамбет пен Мұраттың бұлағынан құдіретті жырдың рухымен сусындап өскен ақын.
Бүгін кітапханамызда ақын, Қазақстанның еңбек сіңірген қайраткері Қойшығұл Жылқышиевтің туғанына 75 жыл толуына орай «Ақындық әлем – басқа әлем» атты поэзия сағаты өтті.
Кеш қонақтары С.Мұқашев атындағы Атырау политехникалық колледжінің студенттері мен кітапханашысы Батихова Гүлім Жексенбайқызы және кітапханамыздың тұрақты оқырмандары Х.Досмұхамедов атындағы Атырау университетінің студенті Тұрарқызы Айтуған, Қазіргі заманғы Каспий өңірі жоғары колледжінің студенті Нышан Бекет қатынасып, ақынның «Ағайынға айтарым», «Махамбет және Жәңгірхан», «Ақындық», «Қарой», «Құрманғазы күйлері», «Оқырмандарыма» т.б. өлеңдерін мәнерлеп оқып, ақын шығармашылығымен жақын танысты.
