КҮНТІЗБЕ 2024
25.07.2023
«Алты Алаштың серісі» кітап көрмесі, деректі фильм көрсетілімі
Ғ.Сланов атындағы облыстық ғылыми әмбебап кітапханасында ақын, әнші, композитор Ақан сері Қорамсаұлының туғанына 180 жыл толуына орай «Алты Алаштың серісі» тақырыбында ақпарат сағаты ұйымдастырылып, «Дәуір даналары» атты Ақан сері туралы деректі фильм оқырмандар назарына ұсынылды. Аталған шараға Х.Досмұхамедов атындағы Атырау мемлекеттік университетінің студенттері қатынасты. Шара барысында кітапханашы композитор Ақан сері Қорамсаұлы туралы мағлұмат берді. Ақан сері – өмір шындығын терең жырлаған өз заманының асқақ ақыны. Өмір шындығын ақындық тілмен ғана емес, терең тебіреністі лирикалық әнімен, композиторлық дарынымен, орындаушылық өнерімен де бейнелей білген. Өз әндерімен қатар халық әндерін сазына келтіре шырқаған Ақан сері Қорамсаұлы өзінің артына көптеген ән қалдырған аса талантты халық композиторларының бірі. Композитордың жігерлі де тамаша әндері қазақтың әншілік мәдениетінің дәстүрін жалғастырып, оны одан әрі дамытуға зор үлес қосты. Шараның мақсаты қазақтың ұлы ақыны, дана композиторы, әншісі Ақан серінің қазаққа аңыз болған өмірі мен шығармаларын оқырман қауымға насихаттау.
