КҮНТІЗБЕ 2024
24.12.2021 ж.
«Атырау толқындары»
Ғ.Сланов атындағы облыстық ғылыми әмбебап кітапханасында «Фариза жұлдыздары» жобасы аясында атыраулық жас ақындардың «Атырау толқындары» антологиясының тұсаукесер рәсімі ұйымдастырылды.
Қазақстан Республикасы Тәуелсіздігінің 30 жылдығы аясында NСОС компаниясының демеушілігімен жарық көрген бұл кітапқа 1991 жылдардан бері дүниеге келген 30 жас ақынның өлеңдері енгізілді. Шараға зиялылар қауымы, NСОС компаниясының заңды өкілдері, кітапханашылар, жас ақындар қатысты. Шараны Атырау облысы әкімінің орынбасары Нариман Бахытұлы Таушов ашып, жас таланттарға сәт сапар тіледі. Журналистика саласының ардагері, ақын, жазушы, Қазақстанның құрметті журналисі Төлеген Жаңабай жас ақындарға өзінің аталық жүрекжарды лебізін білдірді.
Шараны ұйымдастырушы, ақын, «Руханият» қоғамдық бірлестігінің төрайымы, Қазақстан Жазушылар одағының мүшесі, Махамбет сыйлығының иегері Әлия Дәулетбаева сөйлеп, «Фариза жұлдыздары» жас ақындар клубының 5 жылдық тарихында жеткен жетістіктеріне тоқталып, жас ақындарға ризашылығын білдіріп, кітапхана ұжымына алғыс айтты.
Шара соңында кітапхана директоры Сара Измұханбетова сөз алып, қатысушыларға алғыс білдіріп, «Атырау толқындары» антологиясы кітабына ақ жол тіледі.
Мақсаты: Жас таланттардың шығармашылық әлеуетін дамыту.
