КҮНТІЗБЕ 2024
23.05.2022 ж.
«Білім нәрін сепкен, тәрбие дәнін еккен»
Ғ.Сланов атындағы облыстық ғылыми әмбебап кітапханада қазақтың аса көрнекті ағартушы-педагогы, жазушы, этнограф, фольклоршы Ыбырай Алтынсариннің әдеби мұрасы бойынша «Білім нәрін сепкен, тәрбие дәнін еккен» тақырыбымен әдеби-танымдық сағат ұйымдастырылды.
Шараға Ы.Алтынсарин атындағы №11 орта мектептің қазақ тілі мен әдебиеті пәнінің мұғалімі Н.А.Абилхамитова, Ф.Досымова атындағы №12 орта мектептің қазақ тілі және әдебиеті пәнінің мұғалімі А.Қ.Таласпаева қатысып Ыбырай Алтынсариннің шығармаларына кеңінен тоқталды. Аталмыш мектептің 6 және 7 сынып оқушылары шара барысында Ұлы ағартушының «Кел, балалар оқылық», «Өнер, білім бар жұрттар», «Өзен» өлеңдерімен қоса «Қарға мен құрт», «Әке мен бала», «Түлкі мен ешкі», «Таза бұлақ» т.б. мысалдарын мәнерлеп оқып, мазмұны мен мағынасын ашып, талдап ой-пікірлерімен бөлісті. Шара соңында кітапханашы Ы.Алтынсариннің өнегелі өмір жолы туралы әдебиеттер мен рухани мұрасынан жасақталған кітап көрмесі бойынша әдеби шолу жасады.
Мақсаты: Ыбырай Алтынсариннің шығармаларын насихаттау арқылы, оқырмандарды кітап оқуға қызығушылығын қалыптастыру, адамгершілікке, өнегелілікке баулу.
