КҮНТІЗБЕ 2024
12.01.2022 ж.
«Елін танытқан Ер»
Ғ.Сланов атындағы облыстық ғылыми әмбебап кітапханасында қазақтың біртуар тұлғасы, аса көрнекті мемлекет және қоғам қайраткері, техника ғылымдарының докторы, Қазақстан Ғылым Академиясының академигі Дінмұхамед Ахметұлы Қонаевтың туғанына 110 жыл толуына орай жасақталған «Елін танытқан Ер» атты кітап көрмесі бойынша библиографиялық шолу ұйымдастырылды. Шара барысында кітапханашы біртуар тұлғаның өнегелі өмір жолынан сыр шертетін «Өтті дәурен осылай» атты кітабына және «Ақиқаттан аттауға болмайды» атты естелік-эсселер жинағына кеңінен тоқталды. Кітапханашы сондай-ақ, Д.А.Қонаевтың өмір жолын суреттеген ақын Р.Ниязбектің «Кемеңгер» атты өлеңмен жазылған романымен, замандастарының естеліктері туралы баспасөз бетінде жарияланған материалдарды оқырмандарға ұсынды.
Мақсаты: Мемлекет және қоғам қайраткері Д.А.Қонаевтың артында қалдырған мол мұрасы мен өмір жолы туралы мағлұмат бере отырып, оларды отаншылдыққа елжандылыққа баулу.
