КҮНТІЗБЕ 2024
12.04.2021 ж.
«Ғарышты бағындырған батырлар»
Ғ.Сланов атындағы облыстық ғылыми әмбебап кітапханасы Тәуелсіздігіміздің 30 жылдығы және Қазақстандағы балалар мен жасөспірімдердің кітап оқуын қолдау жылына орай «Парасат жолы» орталығында «12 сәуір – халықаралық ғарышкерлер мен авиация күніне орай «Ғарышты бағындырған батырлар» атты онлайн кітаптар шеруін назарларыңызға ұсынады. Оқырмандар назарына қазақ жерінде космодром құрылысына арналған очерктер енгізілген «Байконур» ( Жазушы, 1987), А.Ф. Молчановтың «Космическая гавань» (1982), сондай-ақ авиацияға, сонан соң космонавтикаға барардағы жолдың қиындығы, космонавт мамандығы туралы жазылған В.А.Шаталовтың «Ғарыш жолы – қиын жол» ( Қазақстан, 1987), Қ.Ө.Бектасовтың «Әуелеп ұшқан жылдарда» (1995), орыс тіліндегі В.Шаталовтың «Люди и космос» (Молодая гвардия,1975), А.Николаевтың «Космос – дорога без конца (Молодая гвардия,1974), Н.П.Каманиннің «Летчики и космонавты» (1971), сонымен қатар, ұшқыш-ғарышкер, Ресей Батыры, Қазақстанның Халық Қаһарманы Талғат Мұсабаевтың өмір жолына арналған С.Қабиқызының «Талғат Мұсабаев» (Қазақстан,2010) т.б.әдебиеттерді ұсынды.
Мақсаты: Оқырмандарға ғаламшар ғажайыптары мен ғарышкерлер жайлы ақпарат беру және осы тақырыптағы кітаптарды насихаттау.
