КҮНТІЗБЕ 2024
11.02.2020 ж.
«Ғасырларды сөйлеткен..»
Ғ.Сланов атындағы облыстық ғылыми әмбебап кітапханасында көрнекті қаламгер, Қазақстанның халық жазушысы Мұхтар Мағауиннің 80 жасқа толуына орай «Ғасырларды сөйлеткен..» деген тақырыптағы кітап көрмесі оқырмандар назарына ұсынылды. Кітап көрмесін таныстыру барысында кітапханашы Ғ.Байешева Мұхтар Мағауиннің әдебиеттанушы, мәдениеттанушы, ғалым, тарихшы ретіндегі еңбектерін тілге тиек етті. Кітап көрмесіне жазушының «Қияндағы қыстау» (1977), «Көк кептер» (1979), «Аласапыран» (1988), 2 томдық «Таңдамалысы» (1990), «Ғасырлар бедері» (1991), «Шақан Шері» (1993), «Қазақ хандығы дәуіріндегі әдебиет»(1992), «Өмір жыры» (1994), «Қазақ тарихының әліппесі»(1995), «Ұлтсыздану ұраны» (2004), «Қобыз сарыны» (2007) және тағы басқа шығармалары қойылды. Жасақталған кітап көрмесі бойынша Х.Досмұхамедов атындағы Атырау мемлекеттік университеті көп тілді білім беру факультеті қазақ тілі және әдебиеті бөлімінің студенті, кітапхананың тұрақты оқырманы Шакиров Заманбек жазушының шығармашылығы туралы кеңінен әңгімелеп, жазушының тарихи романдары туралы өзіндік пікірін ортаға салды.
Мақсаты: Көрнекті жазушы Мұхтар Мағауиннің шығармаларын қалың оқырманға кеңінен насихаттай отырып, оқырмандарды тарихи әдебиеттерді оқуға баулу.
