КҮНТІЗБЕ 2024
12.05.2022 ж.
«Қазағының айналып мақтанына»
Ғ.Сланов атындағы облыстық ғылыми әмбебап кітапханасында ҚР еңбек сіңірген қайраткері, «Парасат» орденінің иегері, көрнекті дирижер, композитор, дәулескер күйші, профессор Айтқали Жайымовтың туғанына 75 жыл толуына орай «Қазағының айналып мақтанына» тақырыбында ақпараттық сағат ұйымдастырылды. Шараға Ғани Мұратбаев атындағы орта мектептің оқушылары қатынасты. Шара барысында кітапханашы сан қырынан танылған өнер иесі, қоғам қайраткері Айтқали Жайымовтың өнегелі өмір жолы, шығармашылығы туралы мәліметтерді әңгімесіне арқау етті. Оқырмандар назарына композитордың А. Жайымов «Шалқыма» (1997ж.), А. Жайымов «Атырау-әнім» (2019ж.), А. Жайымов «Шаттық елі» (2019ж.) және композитор туралы жазылған «Саз саңлақтары» (2004ж.), «Қазақ мәдениеті» (2005ж.) және т.б. әдебиеттер ұсынылды.
Мақсаты: Бүгінде талай белестерді бағындырып, айтулы тұлғаға айналған А. Жайымовтың шығармаларын оқырман қауымға насихаттау арқылы өнер адамдарының шығармалары туралы әдебиеттерді оқуға деген қызығушылығын қалыптастыру болып табылады.
