КҮНТІЗБЕ 2024
08.10.2021 ж.
«Қазақ мұнайының ардақтысы»
Ғ.Сланов атындағы облыстық ғылыми әмбебап кітапханасында Қазақстан Республикасы Тәуелсіздігінің 30 жылдығы аясында Қазақ КСР-нің еңбек сіңірген геолог-барлаушысы Мақаш Балғымбаевтың туғанына 90 жыл толуына орай «Қазақ мұнайының ардақтысы» тақырыбында ақпараттық сағат ұйымдастырылды. Кітапханашы Құрметті мұнайшы, Теңіз, Ботақан, Шығыс Мақат, Орталық және Шығыс Прорва кен орындарын тұңғыш ашушы, геология-минералогия ғылымдарының кандидаты, Республика Мемлекеттік сыйлығының Лауреаты, «Құрмет белгісі», «Құрмет» орденінің иегері Мақаш Балғымбаевтың жарқын бейнесі мен өнегелі өмірі туралы мағлұмат берді. Оқырмандар назарына Мақаш Балғымбаев туралы ғұмырнамалық хикаяттар берілген Қ.Сұлтанғалиұлының «Мақаш Балғымбаев» (Алматы,2006), «Балғымбай әулеті» (Алматы, 1999), орыс тілінде М.Балгимбаевтың «Нефтяная Эмба» (Алматы, 2001) кітабы және т.б.әдебиеттер ұсынылды.
Мақсаты: Мұнай саласын дамытуда елеулі қызмет атқарған мұнай ардақтысы Мақаш Балғымбаевтың еңбектерімен таныстыру, оқырмандардың мұнай саласына қызығушылығын қалыптастыру.
