КҮНТІЗБЕ 2024
13.01.2022 ж.
«Қазақ мұнайының ардақтысы»
Ғ.Сланов атындағы облыстық ғылыми әмбебап кітапханасы даңқты мұнайшы, жазушы, КСРО Мұнай өнеркәсібінің Құрметті мұнайшысы Рахмет Өтесінұлы Өтесіновтың туғанына 95 жыл толуына орай «Қазақ мұнайының ардақтысы» атты ақпараттық сағат ұйымдастырып, әлеуметтік желі қолданушыларының назарына ұсынды. Шара барысында кітапханашы Рахмет Өтесіновтің өнегелі өмір жолы туралы және рухани мұрасы жайындағы мағлұматтарды әңгімесіне арқау етті. Тағдыр тәлкегімен жұмыс бабында мүгедек болып қалған Р.Өтесінов асқан табандылықпен өзінің жұмыс тәжірибесін қағазға түсіре бергендігі туралы мағлұмат айтты. Сондай-ақ, ақпараттық сағат барысында Қазақстанның және Кеңестер Одағының Құрметті мұнайшысы, геолог Р.Өтесіновтың елге сіңірген еңбегі үшін «Еңбек Қызыл Ту», «Құрмет белгісі», «Құрмет» ордендерімен марапатталдығы айтылды. Шара барысында әлеуметтік желідегі оқырмандарға мұнай саласының ардақтысы Рахмет Өтесіновтің «Ақиқатқа айналған арман» (1973), «Алыптың ашылуы» (1982), «Алыстағы алау» (1983), «Мұнарлы күндер» (1995) және т.б. кітаптары оқуға ұсынылды.
Мақсаты: Өлкеміздің мұнай саласының ардақты тұлғасы Рахмет Өтесіновтің өнегелі өмір жолы, рухани мұрасы туралы әдебиеттерді насихаттай отырып, Атырау өнеркәсібінің тарихы туралы әдебиеттерді оқуға қызығушылығын қалыптастыру.
