"Кемеңгер"

20.02.2020 ж.

"Кемеңгер"

Ғ.Сланов атындағы облыстық ғылыми әмбебап кітапханасында Еңбек ардагері, Индер ауданының Құрметті азаматы Әйіп Ғабдысамат Хамзаұлының өңірге мәшһүр, елге әйгілі атасы Əйіп қажы Бекенұлы хақындағы "Кемеңгер" атты тарихи-танымдық кітабының тұсаукесер шарасы ұйымдастырылды. Шараға Қазақстан Журналистер Одағы сыйлығының иегері, Қазақстанның Құрметті журналисі Төлеген Жаңабайұлы, Қазақстанның білім беру ісінің құрметті қызметкері, Х.Досмұхамедов атындағы Атырау Мемлекеттік университетінің профессоры Нағымов Шахман Нағымұлы, Индер ауданы Мәдениет бөлімінің басшысы Тілепқалиева Жеміс Базарғалиқызы қатысып, автор туралы, кітап және Әйіп қажы Бекенұлы жайында әңгімелеп берді. Шара барысында Әйіп Ғабдысамат Хамзаұлы атасы жайында, кітап туралы әсерлі жайларды əңгімесіне арқау етті.

Мақсаты: Əйіп қажы Бекенұлы хақындағы жаңа әдебиетті насихаттай отырып, өлке тарихы туралы әдебиеттерді оқуға оқырмандардың қызығушылығын қалыптастыру.