КҮНТІЗБЕ 2024
27.04.2023
«Халықтар достығы – басты құндылық» сұрақ-жауап сайысы көрмесі
Ғ.Сланов атындағы облыстық ғылыми әмбебап кітапханасында 1 – мамыр Қазақстан Республикасы халықтарының бірлігі күніне орай «Халықтар достығы – басты құндылық» атты сұрақ-жауап сайысы көрмесі жасақталды.
Бұл күн, Қазақстан халқы үшін ең ірі мерекелердің бірі. Еліміздің барлық өңірлерінде 1 мамыр тойланады. Мақсаты, ел ішіндегі түрлі ұлт пен дін өкілдерінің бір-біріне деген сый-құрметін арттырып, татулықты, бірлікті, ортақ құндылықтарды насихаттау.
Береке бастауы бірлік, ел іші тату тірлік қағидасын ұстанған ел үшін бұл мейрамның орны ерек.
Жыл сайын атаулы мерекеде Қазақстан аумағында тұрып жатқан 130-дан астам ұлт пен ұлыс өкілдері киелі қара шаңырақта тату-тәтті, береке мен бірлікте, бейбітшілік пен ынтымақта өмір сүріп жатқандығын тойлайды.
Кітапхана оқырмандары С.Өтебаев атындағы Атырау мұнай және газ университетінің 3 курс студенттері Ағыраев Қанағат пен Қуандықова Айгерім және Ақтөбе қаласындағы Сақтаған Бәйішев атындағы университеттің 3 курс студенті Махамбетова Мөлдір кітап көрмесіне қойылған «Қазақстан – Қарашаңырағым» 2015, «Мәңгілік Қазақстан» 2017, «Тағдырлары табыстырған халықпыз» 2006, «Атырау этностары» 2015 т.б. әдебиеттермен жақын танысып, бұл мерекенің мәні мен маңызы, ерекшелігі туралы сұрақтарға жауап бере отырып, өз ойларымен бөлісті.
Мақсаты: Халықаралық ынтымақ күніне арналған әдебиеттермен оқырмандарды таныстырып, насихаттау.
