КҮНТІЗБЕ 2024
14.10.2021 ж.
«Кітапхана түні»
Қазақстан Республикасы Тәуелсіздігінің 30 жылдығына және 2021 жыл – Қазақстандағы балалар мен жасөспірімдердің кітап оқуын қолдау жылы болып жариялануына орай Ғ.Сланов атындағы Атырау облыстық ғылыми әмбебап кітапхананың 100 жылдық мерейтойы аясында «Кітапхана түні» рухани-мәдени акциясы ұйымдастырылды.
Шараға Атырау облысы Мәдениет, архивтер және құжаттама басқармасының басшысы А.А.Рысқалиев, мәдениет және өнер мекемелерінің басшылары мен мамандары, зиялы қауым өкілдері, Х.Досмұхамедов Атырау университетінің, АРЕС Реtro Technic Жоғары колледжінің студенттері, «Абай атындағы Атырау қаласының оқушылар орталығының» үйірмелер қатысушылары, мектеп оқушылары, кітапхананың оқырмандары қатысты.
«Бір ел – бір кітап-2021» акциясы аясындағы «Тәуелсіздігіміздің 30 жылдығына – 30 кітап» рухани-мәдени акциясы шеңберінде көрнекті жазушы Тобық Жармағамбетовтың «Отамалы» шығармасы бойынша кітапхана қызметкерлері қойған сахналық көрініс қойды.
Қазақстандағы балалар мен жасөспірімдердің кітап оқуын қолдау жылына орай «Кітапхана түні» рухани-мәдени акциясына қатысушы жас оқырмандар назарына балалардың сүйікті ертегілерінің кейіпкерлерінің шеруі ұсынылды. Шеруде балалармен «Шатырдағы Карлсон», Буратино, Бауырсақ тағы басқа кейіпкерлерімен қауышты. Сондай-ақ, француз жазушысы Шарль Перроның «Қызыл телпек» ертегісінің желісі бойынша қойылған сахналық көріністі тамашалады
Мақсаты: Кітап оқу мәдениетін дамыту, жастардың оқуға қызығушылығын қалыптастыру, кітапхананы жарнамалау.
https://m.facebook.com/story.php?story_fbid=3078215392419964&id=1699390660302451
