КҮНТІЗБЕ 2024
28.07.2022 ж.
«Кітаппен өткен жаз қызық»
Ғ.Сланов атындағы Атырау облыстық ғылыми әмбебап кітапханасында балалар жылы аясында «Кітаппен өткен жаз қызық» атты онлайн кітаптар шеруі оқырмандар назарына ұсынылды.
Отанға, туған жерге, табиғатқа деген сүйіспеншілік сезімді арттыратын, жақсылыққа жетелейтін жыр-өлеңдер енген А. Сопыбековтың «Көңілді біздің күніміз» кітабы, өлеңдер, ертегілер, хикаяттар, аңыз, мақалалар енгізілген А. Сәрсековтың «Алақай!» кітабы, жасөспірімдерді жақсылық жолына жетелейтін әңгімелер енгізілген Ә.Қалдыбаевтың «Сағындым сені інім!» және С.Қалиұлының «Құйғыт, қане, тұлпарым» кітабы, өлеңдер мен аңыз-ертегілер енгізілген Н. Айтұлының «Саяхатшы шыбын» кітабы, өлеңдер, ертегілер, поэмалар, жұмбақтар, жаңылтпаштар енгізілген О. Асқардың «Ауыл балалары мен қала балалары» кітабы, әңгімелер мен хикаяттар енгізілген Б. Сарыбайдың «Ақтабан» атты кітабы, сонымен қатар балаларға арналған танымдық өлеңдер жинағы берілген С. Байхоновтың «Сара апамның сабақтары» атты кітабы оқырмандар назарына ұсынылып отыр.
Мақсаты: Балалар мен жасөспірімдерді жаңа әдебиетермен таныстыру, кітап оқуға қызықтыру, кітапхананы насихаттау.
