КҮНТІЗБЕ 2024
02.08.23
«Өлеңмен ел-жұртына маржан таққан»
Ғ.Сланов атындағы Атырау облыстық ғылыми әмбебап кітапханасы ақын, Қазақстанның Халық жазушысы Ғафу Қайырбековтың туғанына 95 жыл толуына орай «Өлеңмен ел-жұртына маржан таққан» атты библиографиялық шолуды оқырмандар назарына ұсынады.
Ғафу Қайырбеков 1928 жылы 15 тамызда Қостанай облысы, Торғай қаласында дүниеге келген. Абай атындағы Қазақ педагогика институтын бітірген. Қазақ мемлекеттік баспасында поэзия редакциясын басқарды, «Қазақ әдебиеті» газеті бас редакторының орынбасары, «Жазушы» баспасында поэзия редакциясының меңгерушісі болды. 1968 жылдары Қазақстан Жазушылар одағында поэзия секциясында жетекшілік етті. 1973-1989 жылдары «Жұлдыз» журналы бас редакторының орынбасары қызметін атқарды. Өмірінің соңына дейін Қазақстан Жазушылар одағының ақындар қауымдастығының президенті болды.
Оқырмандар назарына Ғ.Қайырбековтың «Таулар сөйлейді» 1960, «Алғашқы асу» 1964, «Қанатты жылдар» 1973, «Көсемнің нұрлы атымен» 1970, «Беласар» 1, 2-ші том 1978, «Туған топырақ» 1985, «Күн теңескен» 1986, Екі томдық шығармалар жинағы. 1, 2-ші том 1988, «Алыс та жақын жағалау» 2006, Көп томдық шығармалар жинағы 2012 және т.б. шығармалары ұсынылды.
Мақсаты: ақын, Қазақстанның Халық жазушысы Ғафу Қайырбековтың өмірі мен шығармаларын кеңінен насихаттау.
