«Өлеңнің тау тұлғасы Қадыр ақын»

08.01.2020 ж.

 «Өлеңнің тау тұлғасы Қадыр ақын»

     Ғ.Сланов атындағы Атырау облыстық ғылыми әмбебап кітапханасында Қазақстанның Халық жазушысы, ақын  Қадыр Мырза-Әлінің туғанына 85 жыл толуына орай «Өлеңнің тау тұлғасы Қадыр ақын» атты  кітап көрмесі бойынша ақпараттық сағат ұйымдастырылды. Шараға кітапхананың тұрақты оқырмандары қатысты. Кітапханашы Байешева Ғалия  ақынның өмірі мен шығармашылығы туралы  ақпарат берді. Көрмеде ақынның «Ой орманы» (1965ж.), «Көш» (1973ж.), «Жерұйық» (1976ж.), «Домбыра» (1979ж.), «Қорамсақ» (1980ж.), «Көкпар» (1981ж.), «Мәңгі майдан» (1992ж.), «Ғибратнәмә» (1993ж.), «Биік баспалдақ» (1993ж.) атты шығармалары қойылды. Қадыр Мырза Әлінің өмірі мен шығармашылығы туралы  М.Әлімбаевтың  «Қалам қайраты» (1976ж.),  С.Жұмабектің «Сын симфониясы» (2005ж.), С.Абдрахмановтың  «Жиырмасыншы ғасыр жырлайды» (2007ж.), Қ.Ергөбектің  «Өлеңсөз» (2012ж.),  А.Кемелбаеваның  «Мәжнүн жүрек» (2013ж.) атты сыни кітаптары оқырмандар назарына ұсынылды.

         Мақсаты: Қазақстанның халық жазушысы Қадыр Мырза-Әлінің  шығармашылығы туралы оқырмандарға кеңінен таныстырып,  насихаттау.