КҮНТІЗБЕ 2024
05.04.23
«Әлемді кітаппен таны» кітап көрмесі
Ғ.Сланов атындағы облыстық ғылыми әмбебап кітапханасында 23 сәуір – Бүкілдүниежүзілік кітап пен авторлық құқық күні айлық апталығының екінші күні оқырмандар «Әлемді кітаппен таны» деген тақырыпта кітапхананың кітап қорына түскен жаңа әдебиеттермен таныс болды. Көрмеге халқымыздың үлгі-өнеге, дәстүр-салты молынан қамтылған, әсіресе өсер ұрпаққа берері көп шығарма Зейнеп Ахметованың «Бабалар аманаты» кітабы, Қадыр Мырза Әлінің «Жазмыш», «Иірім» кітаптары, Ж.Жұмақановтың «Махаббат пен мансап» повесі, қазақтың бас ханы Әбілқайырдың жары Бопай Сүйіндікқызының өмірнамасына арналған М.Айымбетовтың «Бопай ханым» тарихи романы, 1931-33 жылдары елімізді шарпыған ашаршылықтың тигізген зардабы туралы М.Әбдәкімұлының «Зобалаң» деген деректі романы, көптеген психологиялық кітаптардың авторы Луиза Хейдің «Әйел даналығы», Роберт Кийосакидің «Бай әке, кедей әке», Д.Гринвудтың «Өгей бала» шытырман оқиғалары және т.б көптеген әдебиеттер қойылды.
Мақсаты: Жаңа әдебиеттерді оқырмандарға таныстыру, насихаттау
