КҮНТІЗБЕ 2024
15.03.23
«Ұлттық саз өнерінің жарық жұлдызы»
Ғ.Сланов атындағы облыстық ғылыми әмбебап кітапханасының ұйымдастырыуымен №38 мектеп-лицейінің кітапханасында ұлы күйші Құрманғазы Сағырбайұлының шығармашылығына байланысты «Ұлттық саз өнерінің жарық жұлдызы» тақырыбында әдеби биеннале өтті. Шараға аталған мектептің оқушылары мен мұғалімдері қатынасты.
Күйші-композитор, қазақтың аспапты музыка өнерінің классигі, ұлттық музыка мектебінің негізін салған Құрманғазы Сағырбайұлы шығармаларында ерлік пен елдікті, еркіндік пен ізгілікті, бостандық пен бақытты, жақсылық пен жарқын болашақты, туған жерге деген перзенттік сүйіспеншілікті жырлады. Шара барысында кітапханашы күй атасы Құрманғазы туралы мәліметтерді әңгімесіне арқау етті. Сондай-ақ, дәулескер күйші Құрманғазының өмірі мен шығармашылығына арналған бейнежазба, «Сарыарқа», «Адай», «Балбырауын» атты шығармалары көрсетіліп, ақын, Қазақстанның халық жазушысы Хамит Ерғалиевтің «Құрманғазы» поэмасынан үзінді оқылды. Сонымен қатар, осы тақырып аясында жасақталған кітап көрмесі оқырмандар назарына ұсынылды. Шара соңында оқырмандарға күйшінің өмірі мен шығармаларынан сұрақтар қойылып жауаптар алынды.
Мақсаты: Қазақ халқының ұлы күйшісі Құрманғазы Сағырбайұлының шығармаларын оқырман қауымға насихаттау болып табылады.
