КҮНТІЗБЕ 2024
23.11.2021 ж.
«Мәңгілік ел алыптары»
Ғ. Сланов атындағы облыстық ғылыми әмбебап кітапханасында ҚР Тәуелсіздігінің 30 жылдығы мен Қазақстандағы балалар мен жасөспірімдердің кітап оқуын қолдау жылы аясында домбырашы, күйші, композитор, Қазақстанның халық артисі Д. Нұрпейісованың туғанына 160 жыл толуына орай «Мәңгілік ел алыптары» тақырыбында сұрақ-жауап сайыс көрмесі ұйымдастырылды. Сұрақ-жауап сайыс көрмесіне АИГИ колледжінің 2 курс студенттері қатынасты. Шара барысында күйшінің өмір жолы мен шығармашылығынан қойылған сұрақтарға оқырмандар жауап беріп, белсенділік танытты. Оқырмандар назарына күйшінің шығармашылығы туралы жазылған Д.Нұрпейісованың «Әсемқоңыр» (1991ж), «Қазақ мәдениеті» (2005ж), «Күйші Дина» (2011ж) және т.б. әдебиеттер ұсынылды.
Мақсаты: Құрманғазының төл шәкірті, төкпе күй мектебін жалғастырушы, әрі оны ілгері дамытушы күй анасы Дина Нұрпейісованың өмір жолы мен шығармашылығы туралы оқырман қауымға таныстыру.
