КҮНТІЗБЕ 2024
2.09.2021 ж.
«Мұнай- үлкен саясат көзі»
Ғ.Сланов атындағы облыстық ғылыми әмбебап кітапханада 1-қыркүйек - мұнай-газ кешені қызметкерлері күніне орай «Мұнай үлкен саясат көзі» атты кітап көрмесі бойынша ақпараттық сағат ұйымдастырылды.
Көрмеге қазақ мұнайының ардақтыларының өмір жолы, қазақстандықтардың мұнай саласын дамытуда жасаған ерен еңбектері туралы жазылған кітаптар қойылды. Атап айтқанда, «Қазақстан мұнай энциклопедиясы» кітабының I томы, «Қазақстан ұлттық энциклопедиясының» VI томы, Айтуар Өтегенов пен Рахат Қосбармақовтың «Аспан мұнарадан басталады» (2013 ж), Гүлзада Саликованың «Мұнайшы қыздар» (2012 ж), Өтеш Қарашиннің «Есқазиевтер әулеті» (2013 ж), Гүлсім Оразәліқызының «Шахмардан Есенов» (2011 ж), Н.К.Надиров «Оңайбай Көшеков» (2011ж), С.Ибраим «Саламат Мұқашев» (2006 ж), Б.Жұмағалиев «Таумұш Жұмағалиев» (2007 ж) т.б. кітаптар оқырмандар назарына ұсынылды.
Шара мақсаты: Жастарды еліміздің мұнай саласын дамытуда елеулі қызмет атқарған мұнайшы ардақтыларының еңбектерімен таныстыру.
