КҮНТІЗБЕ 2024
28.02.2023
«Отты өлеңді Отаралиев» кітап көрмесі
Ғ.Сланов атындағы облыстық ғылыми әмбебап кітапханасында «Бір өлке – бір жазушы» акциясы аясында ақын Марат Отаралиевтің шығармаларын насихаттау мақсатында «Отты өлеңді Отаралиев» атты кітап көрмесі жасақталды.
Марат Отаралиев табиғатынан нәзік, көңілшек, әрбір жүрек терберлік сәттердің бірде біреуін қалт жібермей, ол туралы өлең шумақтарын кестелеуге шебер ақын. Өзі туып өскен орта, ауыл өрнектері, табиғат құбылыстары туралы ерекше жырлаған. Айтысқа да қатысып, жүлделі орындар алған.
Көрмеге №41 Әбіш Кекілбаев атындағы мектеп гимназиясының кітапханашысы Басыгариева Тойған Жоланқызы жоғары сынып оқушыларымен қатынасты. Кітапханашы ақынның шығармашылығымен таныстырған соң, оқушылар ақынның «Жалынды жастық», «Күй», «Әбіш Кекілбаевқа», «Домбыра», «Арулар», «Үйлер», «Маңмаңгер» т.б. өлеңдерін мәнерлеп оқыды.
Мақсаты: Ақын Марат Отаралиевтің отты өлеңдерін жыр сүйер оқырмандарға кеңінен насихаттау.
