КҮНТІЗБЕ 2024
27.06.23
«Қожа Ахмет Иассауи әлемі» кітап көрмесі
Ғ.Сланов атындағы облыстық ғылыми әмбебап кітапханасында Түркі халықтарына ортақ ұлы ойшыл – Қожа Ахмет Иассауидің туғанына 930 жыл толуына орай «Қожа Ахмет Иассауи әлемі» тақырыбында кітап көрмесі жасақталды. Аты әлемге әйгілі киелі Түркістан жерінің ғұламасы Иассауидің арғы тегі қожалар әулетінен. Ол арғы атасынан, әкесінен даңққа бөленген әулиелер. Кітап көрмеге Иассауи өмір сүрген жылдардан сыр шертетін тарихи деректерге толы кітапхана қорынан қойылған әдебиеттер: «Диуани хикмет», «Иассауи феномені», «Отырар Алқабындағы қасиетті орындар», «Отырар Алқабы», «Қожа Ахмет Иассауи мұрасы мен ілімінің зерттелу мәселелері», т.б кітаптар қойылды. Шараға «Белсенді өмір сүру үшін» әлуметтік қолдау көрсету жобасы бойынша Белсенді зейнеткерлер қатысып, кітап көрмесімен танысты. Иассауи ілімі мен дүниетанымы, қисса-аңыздары туралы кітаптардан үзінді оқып, өз ой-пікірлерімен бөлісіп, талқылады.
Мақсаты: Ұлы ақын, ұлы ойшыл Қожа Ахмет Иассауидің бай мұрасын түркі халықтарының, оның ішінде қазақ халқының мәдениеті тарихында ерекше орын алған тұлғамен таныстыру.
