КҮНТІЗБЕ 2024
4.06.2021 ж.
"Поэт родной Земли"
Ғ.Сланов атындағы Атырау облыстық ғылыми әмбебап кітапханасы балалар мен жасөспірімдердің кітап оқуын қолдау жылы аясында Қалалық Абай орталығы оқушыларымен бірге белгілі ақын, жазушы, аудармашы, жерлесіміз Бекет Қарашин шығармашылығына арналған "Поэт родной земли" атты арнап орыс тілінде дәріс өткізді.
Шара барысында Ғ.Сланов атындағы ОҒӘК кітапханашысы С.Мусагалиева Б.Қарашиннің шығармашылығына шолу жасады.
Б.Қарашин - қазақтың "Сегіз қырлы, бір сырлы" теңеуімен сипатталатын сан қырлы тұлға. Өнердің сан түрлі саласына қызушылық танытатқан талант, философ, түркітанушы, лингвист, эколог, деректі фильмдердің мәтінін жазушы, Махамбет атындағы сыйлықтың және т.б. көптеген жүлделердің иегері, Халықаралық байқаулардың бірнеше мәрте лауреты атанған.
Кітапхана ұйымдастырған "Восемь граней единого таинства" кітап көрмесіне Б.Қарашиннің "Махамбет.Стихострелы ", "Махамбет елі", "Бейбарыс: Эпоха и Личность", "Рыцарская поэзия казахских жырау", "Дороги думы" т.б. кітаптары оқушылар назарына ұсынылды.
Кітапханашы Б.Қарашиннің "Бейбарыс: заман және тұлға" еңбегін басшылыққа алып, тарихтың қатпарына өз іздерін айқын қалдырған, туған жердің тарландары, алып батырлары, жырауларының қастерлі есімін мақтанышпен айтып өтті. Шара барысында оқушыларға ақынның "Мен - қазақ" деп аталатын ұлттық тарихи құндылық көрініс беретін кереметтей туындысы көгілдір экран бетінде Б.Қарашин мен Е.Мұқашевтың орындауында видео-слайд түрінде ұсынылды.
Ақынның философиялық-патриоттық рухқа толы жырлары оқушылар жүрегінен орын алды.
Абай орталығының оқушылары: А.Лұқпанова, Д.Гильмова, А.Гильманова Алина, А.Талғатқызы, А.Жақанова, Н.Жақанова ақынның "Мен - қазақ" атты өлеңінен үзіндіні мәнерлеп кең толғаныспен оқыды.
Мақсаты: Оқушыларды Б.Қарашиндай сан тарау тұлғаның шығармашылығымен, кең көлемді зерттеулерімен, оның философия, тарих, түркітану, лингвистика салаларындағы табанды еңбегімен таныстыру, қазақ халқының тарихи өткенінен көрініс беру арқылы елжандылыққа баулу.
https://m.facebook.com/story.php?story_fbid=2978098575764980&id=1699390660302451
