КҮНТІЗБЕ 2024
09.12.2021 ж.
«Тәуелсіздік-елімнің ерлік жолы»
Ғ.Сланов атындағы облыстық ғылыми әмбебап кітапханасы Махамбет Өтемісұлы атындағы облыстық Академиялық драма театрында ҚР Тәуелсіздігінің 30 жылдығына орай ұйымдастырылған салтанатты жиын қатысушыларының назарына «Тәуелсіздік - елімнің ерлік жолы» атты кітап көрмесі ұсынылды. Көрмеге «Тәуелсіз Қазақстан тарихын зерттеудің өзекті мәселелері» (2011), «Тәуелсіз Қазақстан шетел сарапшыларының көзімен» (2011), «Тәуелсіз Қазақстанның саяси тарихы: оқиғалар жылнамасы» (2010) сол сияқты, М.Мәжитовтың «Тәуелсіздік рухымен» (2004), Ә.Нысанбаевтың «Тәуелсіздік. Демократия. Гуманизм.» (2011), «Қазақстан Тәуелсіздігінің қалыптасу тарихы» (2008) және тағы басқа әдебиеттер орын алды. Кітапханашы кітап көрмесін таныстыру барысында Ел Тәуелсіздігінің тарихы туралы, күні бүгінге дейінгі жетістіктері мен қарқынды дамуы туралы көптеген мағлұматтарды әңгімесіне арқау етті.
Мақсаты: Ел Тәуелсіздігінің тарихы туралы, күні бүгінге дейінгі жетістіктері мен қарқынды дамуы туралы әдебиеттермен таныстыру, оқырмандардың еліне деген құрметі мен сыйластығын қалыптастыру.
