КҮНТІЗБЕ 2024
11.11.2019 ж.
«Заман тынысының суреткері»
Ғ.Сланов атындағы облыстық ғылыми әмбебап кітапханасында жазушы, қазақ әдебиетінің көрнекті өкілі Бейімбет Майлиннің туғанына 125 жыл толуына орай «Заман тынысының суреткері» атты кітап көрмесі жасақталып, оқырмандар назарына ұсынылды. Кітап көрмесін таныстырған кітапханашы Дана Батырғалиева жазушының «Қызыл жалау» (1979) романы, повесть, әңгіме, пьеса, фельетон, очерктері енген «Ел сыры» (1994) кітабы, «Айқап», «Абай», «Қазақ» газеттерінде жарияланған ел мен жер, тіл тағдырына қатысты очерктері, мақалалары жинақталған «Тұңғыш құрбан» атты кітабы туралы әңгімелеп берді. Сондай-ақ оқырмандармен кітап көрмесін таныстыру барысында жазушының «Көшпелі махаббат», «Түйебай», «Әдет құшағында», «Даудың басы – Дайрабайдың көк сиыры», «Арыстанбайдың Мұқышы» атты әңгімелерін арқау етті.
Мақсаты: Жазушы Бейімбет Майлиннің шығармашылығымен таныстыра отырып, оқырмандардың қазақ әдебиеті классикалық туындыларын оқуға қызығушылығын қалыптастыру.
