КҮНТІЗБЕ 2024
21.11.22
«Заманның көркем шежіресі»
Ғ.Сланов атындағы облыстық ғылыми әмбебап кітапханасында жазушы, Мемлекеттік сыйлықтың иегері Әнес Сарай Төлендіұлының туғанына 85-жыл толуына орай «Заманның көркем шежіресі» атты кітап көрмесі жасақталып, ақпараттық сағат өтті.
Сарай Әнес Төлендіұлы 1937 жылы Астрахан облысы, Володарский ауданы, Құрмалай ауылында туған. ҚазҰУ-ды бітірген. «Егемен Қазақстан», «Жас Алаш» газеттерінде әдеби қызметкер, бөлім меңгерушісі, «Жазушы» баспасында редактор, Қазақстан жазушылар одағында әдеби кеңесші болып қызмет атқарған. Ол Батыс Алашорда тарихын қамтитын «Еділ Жайық» романының және Алаш қозғалысына қатысты деректі материалдардың авторы.
Әнес Сарай Төлендіұлының «Мұнарлар шақырады», «Қараша өткен соң», «Бозқырау», «Ақ тымық күн», повестері мен әңгімелер жинағы, «Теңіз сарыны» диологиясы мен «Ұлу аралы», «Еділ жайық», «Өртенген керуендер» шығармаларынан романдар топтамасы құралған. Әнес Сарайдың өскен ортасы теңізші, балықшы елі. Ол теңіз тірлігі мен кәсіпкерлеріне орай кәсіби сөздерді көп қолданған. «Еділ-Жайық» трилогиясы Каспий теңізі кәсіпшілерінің өткені, кешегісі мен бүгінгісіне арнап, басын күнде қатерге тігіп, толқынды көк теңізбен мігірсіз арпалысқан балықшы-теңізшілердің қарапайым да өр мінездерін қалтқысыз айшықтап жазған.
Кітап көрмесіне Әнес Сарайдың «Жазушы» баспасынан 1969 жылы шыққан «Мұнарлар шақырады», «Бозқырау»1973 ж. повесть, әңгімелері, «Тосқауыл» романы 1976 ж, «Атырау» қазіргі қазақ әдебиетінің өрісін кеңейтетін өрелі шығарма 2007 ж. «Жалын» баспасы «Алтын арал» 1984 ж, «Өлке» баспасы «Исатай мен Махамбет» 1997 ж, «Арыс» баспасы «Қазына» 34-кітабында «Әнес» 2002 ж, «Арыс баспасынан 2003 жылы шыққан «Екі тарлан» атты кітабында «Исатай-Махамбет» туралы тарихи зерттеу, «Санат» баспасы «Көнеліктер» 2008 ж, «Мереке» баспасы «Көк түріктері» 2014 ж, «Фолианит» баспасы Әнес Сарай шығармаларының ХVII-томдық повестер мен әңгімелері 2017 ж, «Ағатай» баспасы «Еділ-Жайық» роман трилогия 2017 ж, «Ағатай баспасынан шыққан 2-томдық «Ақ тымық түн» повестер мен әңгімелер 2019 ж, «Дәуір» баспасы «Ару Алматы» пьесалар жинағы (драма) 2020 ж. т.б әдебиеттер қойылды.
Мақсаты: Тарихи танымдық әдебиеттерді зерттеп, өлке шежіресінен сыр шерткен Әнес Сарай Төлендіұлының шығармаларын оқырман назарына ұсынып, насихаттау
