КҮНТІЗБЕ 2024
03.02.23
«Зейнолла Қабдолов. Әлем және қазақ әдебиеттану мәселелері»
Бүгін Халел Досмұхамедов атындағы Атырау университетінің ұйымдастыруымен Салтанат сарайында XX ғасырдағы қазақ әдебиетінің көрнекті өкілі, филология ғылымдарының докторы, профессор, Ұлттық ғылым академиясының академигі Зейнолла Қабдоловтың 95 жылдығына арналған «Зейнолла Қабдолов. Әлем және қазақ әдебиеттану мәселелері» тақырыбында Халықаралық ғылыми тәжірибелік конференцияның пленарлық мәжілісі өтті.
Аталған конференцияда Ғабдол Сланов атындағы облыстық ғылыми әмбебап кітапханасы «Сұлу сөздің сардары» атты кітап көрмесін ұйымдастырды.
Кітап көрмесінде конференцияға қатысушылардың назарына Зейнолла Қабдоловтың өмір жолы мен еңбектері насихатталды.
Шараға Атырау облысының әкімі Серік Жамбылұлы Шәпкенов, Зейнолла Қабдоловтың ұрпақтары мен шәкірттері, ғалымдар мен профессорлар қатысты. Мемлекет басшысы Қасым-Жомарт Кемелұлы Тоқаевтың құттықтау хатын ҚР Президенті кеңесшісі, филология ғылымдарының докторы, академиктың шәкірті Бауыржан Омарұлы оқыды.
Атыраудың төл перзенті, Зейнолла Қабдоловтың шығармашылығын зерттеуге зор үлес қосып жүрген танымал әдебиеттанушы ғалымдар Жанғара Дәдебаев, Зейнол-Ғабден Бисенғали, Бейбіт Мамраев, Қансейіт Әбдезұлы, Қадыр Жүсіп, Амантай Шәріп, Светлана Ананьева, Бауыржан Жақып, Кенжехан Матыжанов, Алмасбек Мауленов, Қырғызстаннан арнайы келген Абдылдажан Акматалиев, Түркиядан арнайы келген Phd, Erciyes Universitesi профессоры Лютфие Гювенш өз баяндамаларын көпшілікке ұсынды.
