«Жүсіп Баласағұнның түркі әлемі мәдениетіне қосқан үлесі»

13.02.2020 ж.

«Жүсіп Баласағұнның түркі әлемі мәдениетіне қосқан үлесі»

           Ғ.Сланов атындағы облыстық ғылыми әмбебап кітапханасында түркі дүниесінің ойшылы, көрнекті ғалым Жүсіп Баласағұнның туғанына 1000 жыл толуына орай «Жүсіп Баласағұнның түркі әлемі мәдениетіне қосқан үлесі» атты кітап көрмесі жасақталып, оқырмандар назарына ұсынылды. Кітапханашы Батырғалиева Дана ғалымның өмірі мен еңбектері туралы әңгімелеп берді. Ол кемеңгер ғалымның әлем әдебиетінің асыл мұраларының бірі, түркі тілдес халықтарға ортақ өлеңмен жазылған «Құтты білік» атты трактаты туралы мағлұматтарды әңгімесіне арқау етті. Сондай-ақ көрмеден орын алған орыс тіліндегі А.Егеубайдың «Жусуп Баласагуни» атты кітапты, ғалымның өмірі мен еңбектері туралы Н.Келімбетовтың «Түркі халықтарының ежелгі әдеби жәдігерліктері», «Ежелгі дәуір әдебиеті», Д.Ысқақұлының «Рухани толғамдар», Р.Сейсенбаевтың «Тектілер туралы реквием» атты басылымдарды әңгімесіне арқау етті.

         Мақсаты: Жүсіп Баласағұн туралы әдебиеттерді оқырмандар арасында насихаттау, оларды Қазақстандық патриотизмге тәрбиелеу.