КҮНТІЗБЕ 2024
31.08. 2022 ж
«Жыр бұлағының қызғыш құсы»
Ғ.Сланов атындағы облыстық ғылыми әмбебап кітапханасында «Бір өлке – бір жазушы» акциясы аясында ақын, Меңдекеш Сатыбалдиевтің шығармашылығына арналған «Жыр бұлағының қызғыш құсы» атты кітап көрмесіне әдеби шолу жасалды. Кітапханашы Нсанбекова Бике Карипқызы ақынның творчестволық концепциясы мен қаламгерлік кредосы қамтылған өлеңдерімен кітап көрмесін ашып, өмірде жұмсақ мінезді жігіттің өнердегі мақсат- мұраты қандай шымыр, жігерлі екенін, арманшыл ақын жаратылыс берген қысқа ғұмырында, поэзия шыңына жебесін ерте қадаған ақындардың бірі екенін атап өтті. Ақын өлеңдері әркімге әр түрлі әсер қалдырады. Бір өлеңдері күннің күркірі, найзағайдың жарқылы сияқты оқыстан селк еткізсе, екінші бір өлеңдері жапырақтың сыбдыры, балбұлақтың былдырындай әлдилейді.
Бетіме ызғар беттей ме, тұрғанда өрттей тұтап мен.
Айқасқа шықсам жетпей ме, жалғыз ақ палуан кітаппен! – деп жырлаған ақынның «Ақ моншақ»1966, «Күншуақ»1970, «Қызғыш құс»1975, «Мен ақ жаңбырмын»2009 ж. Ақынның поэзиясынан оқырмандар үзінділер оқып, прозалық шығармалары «Мөлдір аспан»1978, «Қоңыр қозы»2007, «Еске алу кітабы»2007 т.б кітаптары туралы мәліметтер алды.
Ақынның өмірі мен шығармашылығы жайлы ой тербеген Қ.Бекбаев «Мұнар күн», Б.Қорқытов «Атырау арыстары», Т.Жаңабайұлы «Атырау көсемсөзшілері», Ө.Оралбайұлы «Өлеңбаян», Н.Әжіғалиев таңдамалы, Айек «Пырақ», Ә.Даулетбаева «Сол бір сәуле» т.б. кітаптар оқырмандар назарына ұсынылды.
Мақсаты: «Азырақ болып ортаңда,көңіліңде тұрсам көбірек» деп жырлаған ақ жарма ақын Меңдекеш Сатыбалдиевтің шығармаларын оқырмандарға кеңінен насихаттау.
