КҮНТІЗБЕ 2024
26.08.2022 ж.
«Жыр - менің айнымас серігім»
Ғ.Сланов атындағы облыстық ғылыми әмбебап кітапханасында ҚР оқырмандарды тарту және оқуды насихаттау жөніндегі 2021-2023 ж.ж. арналған шаралар жоспары аясында «Жыр - менің айнымас серігім» тақырыбымен ақын, Қазақстан «Серпер» жастар сыйлығының, Т.Айбергенов атындағы сыйлықтың және Мемлекеттік «Дарын» жастар сыйлығының, «Алтын қалам» қоғамдық сыйлығының иегері, Қазақстан Жазушылар Одағы басқармасының төраға орынбасары Ақберен Елгезекпен кездесу кеші ұйымдастырылды. Шараға танымал ақын, «Фариза жұлдыздары» әдеби клубының жетекшісі Әлия Даулетбаева, айтыскер ақын, белгілі журналист Нұржан Өмірбай, «Фариза жұлдыздары» әдеби клубының мүшелері, кітапхана оқырмандары қатысты. Шара барысында ақын Ақберен Елгезектің шығармашылығы бойынша кітап көрмесі мен слаид шеру оқырмандар назарына ұсынылды.
Шара қонағы Ақберен Елгезек оқырмандардың сауалдарына жауап беру барысында әдебиет туралы, поэзия жайлы, жастар шығармашылығы жөніндегі әңгіме өрбітті.
Шарада жас ақындар Асланбек Шығыров, Равиль Ашығалиев, Нұрай Талап, Нұртай Мәжит өз өлеңдерін оқыды. Сондай-ақ кітапхана оқырманы Ботагөз Исатай Ақберен Елгезектің «Құмырадағы гүл» атты өлеңін оқып берді.
Шара соңында Ғ.Сланов атындағы облыстық ғылыми әмбебап кітапханасының басшысы С.Измұханбетова ақын Ақберен Елгезекті «Алғыс хатпен» марапаттап, естелікке кітаптар сыйға тартты. Сондай-ақ, барша оқырмандарға ізгі тілегін білдірді.
