КҮНТІЗБЕ 2024
25.09.2024
Кітапханада қарымды қаламгер, кестелі сөздің шебері, талантты тұлға Әбіш Кекілбаевтың 85 жылдығына орай «Ақыл-ойдың абызы» атты тақырыптық конференция өтті.
Сөз өнерінің қақпасын өлеңмен қағып, кейін көркем прозада әдебиет қазынасына мол үлес қосқан қаламгердің шығармаларын насихаттау мақсатында ұйымдастырылған конференцияда жазушының өмірі мен шығармашылығы, лирикасы, романдары, прозалары туралы сөз қозғалды.
Шарада Әл-Фараби атындағы Бином мектеп-лицейінің мұғалімі Жұмабаева Ақсұңқар Ғазизқызы, Жалпы білім беретін С.Зиманов атындағы №37 орта мектептің мұғалімі Идрисова Орынгүл Шамұратқызы, Ә.Кекілбайұлы атындағы №41 мектеп-гимназиясының мұғалімі Сарсенғалиқызы Динара өз баяндамаларымен тақырыптық конференцияның мазмұнын ашып, әр шығармасын талдай отырып, автордың сан қырлы суреткер жазушы, елін сүйген ұлтжанды тұлға екенін сипаттап, оқырмандарға жақын таныстырды.
Сонымен қатар оқырмандар назарына бейнеролик ұсынылып, арнайы кітап көрмесі де таныстырылды.
https://www.facebook.com/atyraulib.kz/videos/854951856725787/
