11.06.25
Ғ. Сланов атындағы облыстық ғылыми әмбебап кітапханасының ұйымдастыруымен Қ.Дүтбаева атындағы Атырау мемлекеттік гуманитарлық колледжінде әнші, Қазақстанның Халық артисі Қайрат Байбосыновтың туғанына 75 жыл толуына орай «Әншілікті бақытына балаған» тақырыбында ақпарат сағаты өтті.
Шараға аталған колледжінің студенттері қатынасты. Шара барысында кітапханашы әншінің өмір жолы туралы мағлұмат берді. Қайрат Байбосынов ұмыт болған, сирек орындалатын әндерді халық арасында таратуда елеулі еңбек етті. Концерттік сапармен АҚШ, Жапония, Германия, Франция, Испания, Италия, Сингапур, т.б елдерінде болып, ұлттық өнерімізді шетел тыңдаушыларына танытты. Қ. Байбосыновтың репертуары бай және әрқилы ол бұрын-соңды сахнада орындалмаған 60-тан аса қазақ әндерін тұңғыш орындаған әнші.