КҮНТІЗБЕ 2025
19.05.25
Ғ.Сланов атындағы облыстық ғылыми әмбебап кітапханасының ұйымдастыруымен Қ.Дүтбаева атындағы Атырау мемлекеттік гуманитарлық колледжінде әнші, ҚР еңбек сіңірген артисі Мекес Төрешовтің туғанына 85 жыл толуына орай «Дәстүрлі әннің дүлдүлі» тақырыбында ақпаратты-сазды сағат өтті.
Шараға аталған колледж студенттері мен мұғалімдері қатынасты.
Мекес Төрешов өлкеміздің біртуар перзенті, өнер қайраткері Мұхит, Ғарифолла әндерін айту, насихаттау, ел арасында тарату бағытында ерекше еңбек сіңірген өнерпаз. Шара барысында кітапханашы әншінің өмір жолы туралы мағлұмат берді. Дина Нұрпейісова атындағы академиялық оркестрдің әншісі Ідірбай Байбақты Ғарифолла Құрманғалиевтің «Сәлем Қазақстан» және халық әні «Ақ кербез» әндерін орындап кеш шырайын аша түсті. Шара барысында табиғат берген талантының арқасында халқының рухын көтерген, ән әлемінде есімі ерекше тұлға М.Төрешов туралы жазылған әдебиеттер оқырмандарға таныстырылды. Шара соңында оқырмандармен кері байланыс жасалып әншінің өмірі мен еңбек жолы туралы сұрақтар қойылып, жауаптар алынды.
