«Қазақ батыры» ақпараттық танымдық сағат

07.10.24                                                                                                       

№38 мектеп-лицейінде Ғ.Сланов атындағы облыстық ғылыми әмбебап кітапхананың ұйымдастыруымен Халық қаһарманы Рақымжан Қошқарбаевтың туғанына 100 жыл толуына орай «Қазақ батыры» атты ақпараттық танымдық сағат өтті.

Сан ғасырлық тарихымызда қаны қазақ деп мақтан тұтар, бүгініміз бен  келешегіміз үшін ғибрат алар, ұрпаққа өнеге етіп көрсетер, ел тағдырын өз тағдырынан биік қойған, Отаным деп аянбай ерлік көрсеткен ұлы тұлғалар қазақ елінде жетерлік. Сондай ер тұлғалардың бірі, батыр – Рақымжан Қошқарбаевты еске алу және ұрпаққа өсиет ету мақсатында өткен шараға №38 мектеп-лицейі ұстазы Туленова Алтынгүл Серікқызы мен 8 сынып оқушылары қатысты. Шарада Берлиндегі Рейхстагқа жеңіс туын желбіреткен Рақымжан Қошқарбаевтың ерен ерлігі, батырлығы жайында сөз қозғалып, батырдың өмірбаяны мен ерліктері туралы бейнебаян көрсетілді. Сонымен қатар Рақымжан Қошқарбаевқа арналған өлеңдер оқылып, кітап көрмесі де таныстырылды.

https://www.facebook.com/atyraulib.kz/posts/pfbid0LzNojidXukhqJzATZaBBKfvnEEKriHMGfAr5pfsaYDBMagiFz6BeKBx6QiQr7YPFl