23.05.25
Бүгін Ғ.Сланов атындағы облыстық ғылыми әмбебап кітапханасының ұйымдастыруымен 21 мамыр – Мәдениет және өнер қызметкерлері күніне орай мәдениетке қарасты мекеме қызметкерлері арасында «Мәдени QUIZ» интеллектуалды сайысы өткізілді.
Байқауға өңіріміздегі 9 мәдени мекеме қатысып, ой ұшқырлығы мен білімдерін ортаға салды. Сайыс барысында бірлік пен тапқырлық танытқан М.Өтемісұлы атындағы облыстық академиялық қазақ драма театры жүлделі 1 орын, Атырау облыстық тарихи өлкетану музейі жүлделі 2 орын, Д.Нұрпейісова атындағы қазақ халық аспаптар оркестрі жүлделі 3 орын және белсене қатысқан өзге командалар «Алғыс хатпен» марапатталды.
Кәсіби ынтымақтастықты нығайту мақсатында ұйымдастырылған сайысқа белсене қатысқан барша қатысушыларға зор алғысымызды білдіреміз!
https://www.facebook.com/atyraulib.kz/videos/2168341690272942/?locale=ru_RU