





Ғабдол Сланов атындағы облыстық ғылыми әмбебап кітапханасында 25 қазан – Республика күніне орай «Мәңгілік жаса, қыран елім Қазақстаным» тақырыбында интеллектуалдық сайыс өтті. Шараға Атырау бизнес және құқық колледжінің студенттері қатысты. Интеллектуалдық сайыс 4 кезеңнен тұрды. «Викториналық сұрақтар», «Атаулы күндер» жылдар мен оқиғаларды сәйкестендіру, «Қазақстан» сөзжұмбақ сайысы және мақал-мәтелдер сайысы. Студенттер қазақстан тарихын қамтитын сауалдарға жауап беріп, өз білімдерін сынады. Іс-шара соңында жеңімпаздар арнайы дипломмен марапатталды.


































