КҮНТІЗБЕ 2024
Бүгін еліміздің сан мың жылдар бойы армандаған, сол жолда ғасырлар бойы найзаның ұшымен, ерлеріміздің ерен ісімен, кешегі дүниені дүр сілкіндірген Желтоқсан оқиғасымен келген тарихымызда алтын әріптермен жазылған Тәуелсіздік мерекесіне арналған «Тәуелсіздік елімнің ерлік жолы» атты кітап көрмесі ұйымдастырылды.
Тәуелсіздік ақ білектің күшімен, ақ найзаның ұшымен елін қорғаған бабалар рухынан қуат алған ызғарлы Желтоқсан оқиғасы қазақ халқының қасіреті де, қасиеті де жетерлік тарихына айналды. Желтоқсан оқиғасы қаншама ызғарлы естілсе де, жанымызға нұр септі. Себебі желтоқсан жаңғырығы бізге Тәуелсіздіктің таңын әкелді. Кітап көрмесіне Қ.Дүтбаева атындағы Атырау мемлекеттік гуманитарлық колледжінің студенттері қатысты.
Кітап көрмесіне әрбір қазақстандықтың тағдырында бетбұрыс болған Желтоқсан оқиғасын бейнелейтін материалдар мен еліміздің тәуелсіздік алған сәтінен бастап, алғаннан кейінгі Қазақстанның дербес мемлекет ретінде қалыптасу тарихына шолу жасалып, тәуелсіздік жылдарында баспадан шыққан қаламгерлердің жазған туындылары қойылып, оқырмандарға таныстырылды.
