КҮНТІЗБЕ 2024
Археолог, этнограф, тарихшы, Қазақ КСР ҒА академигі, Қазақ КСР-інің еңбек сіңірген ғылым қайраткері Әлкей Марғұланның туғанына 120 жыл толуына орай «Ұлттық археологияның сардары» атты тарихи танымдық сағат өтті. Шараға кітапхана оқырмандары қатысып, Әлкей Марғұланның өмірі мен шығармашылығы ғылыми еңбектері туралы ақпарат берілді.
Әлкей Марғұлан – Қазақстандағы археология мектебін құрушы. Ол тарих, археология, этнография, әдебиет, өнер және металлургия саласына қатысты 300-ден астам ғылыми зерттеу жұмыстарын, 100-ден аса энциклопедиялық мақалалар жазған, сонымен қатар қазақстандық этнографтардың, археологтардың, тарихшылардың бiрнеше буынын даярлады.
Тарихи танымдық сағатта кітап көрмесі ұйымдастырылып, ғалымның өмірі мен қызметінің негізгі кезеңдері, еңбектері, ол туралы әдебиеттер мен естеліктерді, халықаралық және республикалық марапаттары туралы мәліметтер, мерзімді басылым беттерінде жарияланған ғылыми еңбектері мен мақалалары оқырмандар назарына ұсынылды.
