22.04.25
«Жұмекен – жыры мәңгілік мұра» тақырыбымен «Бір ел - бір кітап» акциясы аясында көрнекті ақын Жұмекен Нәжімеденовтың шығармаларын насихаттау мақсатында жалпы білім беретін Салық Зиманов атындағы №37-ші орта мектеп оқушыларының қатысуымен поэзия сағаты өтті.
Шарада Атырау өңірінің ардақты да, асыл перзентінің бірі Қазақстан Мемлекеттік сыйлығының иегері, Қазақстан Ленин комсомолы сыйлығының лауреаты ақын Жұмекен Нәжімеденовтың өмірі мен шығармашылығына арналған арнайы кітап көрмесі таныстырылды.
Сондай-ақ, оқушылар ақын шығармаларын мәнерлеп оқып, 7-8 сынып оқушыларынан құрылған домбырашылар тобы Құрманғазының «Балбырауын», «Адай» күйлерін нақышына келтіре орындап кештің мәнді өтуіне үлестерін қосты.