29.09.2025
Ғ.Сланов атындағы облыстық ғылыми әмбебап кітапханада Еңбек күніне орай «Жұмысшы мәртебесі» атты жұмысшы жастармен кездесу өтті.
Іс-шараға Жауапкершілігі шектеулі серіктестік Тенгизшевройл мекемесінің басқару пультінің операторы Боранбаев Даурен Боранбайұлы, Стилист, визажист «Эйбишик» сұлулық салонының меңгерушісі Қайырханова Диана, Атырау жылу электр орталығының турбина цехының 7-ші топтағы аға машинисі Нуралиев Алибек Серікхабылұлы және сонымен қатар, «Көлік және коммуникация колледжі», «Атырау энергетика және құрылыс колледжі» ұстаздары мен студенттері қатысты.
Іс-шара мақсаты – Еңбек өнімділігін ынталандыру, қарапайым жұмысшы мамандықтардың мәртебесін көтеру және оған жастардың назарын аудару. Нұрмұхан Жантөрин атындағы облыстық филармония әншілері кездесу қатысушыларына әсем әнімен тамаша көңіл-күй сыйлады.