КАЛЕНДАРЬ 2024
5.04.2022 ж.
«2022 жылғы - Мерейгерлік кітаптар»
Ғ.Сланов атындағы облыстық ғылыми әмбебап кітапханасында 23 сәуір - бүкіл дүниежүзілік кітап және авторлық құқықты қорғау күніне орай «2022 жылғы - Мерейгерлік кітаптар» атты кітап көрмесінің таныстырылымы өтті. Кітап көрмесіне Ахмет Байтұрсынов атындағы орта мектеп оқушылары мен ұстаздары қатысты.
Кітап – адамзат баласының баға жетпес асыл құндылығы. Білім мен мәдениеттің биік белестеріне жетелейтін тәрбиелік құрал. Әлішер Науаи «Кітап – ақылына ақы сұрамайтын алтын қазына» десе, Абай атамыз «Артық ғылым кітапта, ерінбе оқып көруге» деп айтқандай, кітап көрмесіне ақын- жазушылардың көркем шығармалары, поэзия, поэма, драматургия салалары бойынша атап айтсақ М.Әуезовтың «Еңлік-Кебек» пьесасына-105 жыл, С.Торайғыровтың «Шәкірт ойы» өлеңдеріне 105 жыл, Б. Майлиннің «Күлпаш» әңгімесіне 100 жыл, І.Жансүгіров «Құлагер» поэмасына 85 жыл, Т. Жароковтың «Тасқын» поэмасына 85 жыл мен 35 жыл аралығындағы кітаптар таныстырылды.
Мақсаты: Кітаптың адам өміріндегі маңызы, жыл мерейтойына арналған кітаптарды оқуға деген қызығушылығын арттырып, оқырман қауымға насихаттау.
