КАЛЕНДАРЬ 2024
27.06.2023
«Айтары мол, ықпалы зор» кітаптар шеруі
Ғ.Сланов атындағы облыстық ғылыми әмбебап кітапханасында 28 маусым Байланыс және ақпарат қызметкерлері күніне орай «Айтары мол, ықпалы зор» тақырыбында кітаптар шеруі ұйымдастырылды. Оқырмандар назарына баспасөз тарихының бастауы, қалыптасуы және дамуы туралы айтылған Т.С.Амандосовтың «Қазақ совет баспасөзінің жанрлары» («Мектеп», 1968), Х.Бекхожиннің «Қазақ баспасөзі тарихының очеркі» («Мектеп», 1981), С.Қозыбаевтың «Әлем баспасөзі тарихынан» («Санат», 1998), еліміздегі бұқаралық ақпарат құралдарының өзекті мәселелеріне арналған зерттеу еңбектері топтастырылған «Қазақ журналистикасы», («Таймас» баспа үйі, 2008) 3 томдық кітабы, Ж.Бижанның «Журналист шығармашылығындағы жаңа инновациялық технологиялар («Фолиант», 2013), Ү.Уайдиннің «Әдеп әлемі және журналистика» («Білім», 2015), Атырау облысындағы баспасөздің пайда болуы мен дамуының алғашқы кезеңдері баяндалған Қ.Сүндетұлының «Атырау баспасөзінің тарихы» (2009), Қ.Сүндетұлының «Атырау баспасөзінің тарихы 1917-1955 ж.ж (Алматы, 2014), Т.Жаңабайұлының «Атырау қаламгерлерінің көркем публицистикасы» (Атырау, 2015) және т.б. әдебиеттерді таныстырды.
