КАЛЕНДАРЬ 2024
23.08.2021 ж.
«Арқауын үзіп алмай нәзік жырдың,
өлеңді өз бабында жазып жүрмін»
Ғ.Сланов атындағы облыстық ғылыми әмбебап кітапханасында ҚР Тәуелсіздігінің 30 жылдығына орай Қазақстанда балалар мен жасөспірімдердің кітап оқуын қолдау жылы шеңберінде ақын, ҚР Мемлекеттік сыйлығының лауреаты Марфуға Айтхожаның туғанына 85 жыл толуына орай «Арқауын үзіп алмай нәзік жырдың, өлеңді өз бабында жазып жүрмін» атты кітап көрмесі жасақталып, кітапхана оқырмандары арасында өлеңдер шеруі ұйымдастырылды. Шарада №40 орта мектептің 10 сынып оқушысы Гүлайна Берікқызы, «Парасат» колледжінің 2 курс студенті Роза Әліпбай, Атырау облыстық дарынды балаларға арналған ұлттық гимназияның 11 сынып оқушысы Бейбарыс Асқаров, №19 орта мектептің 10 сынып оқушысы Тамирлан Кабдикарим ақынның өлеңдерін оқып берді.
Мақсаты: Қазақтың жыр аққуы атанған ақын қызы, Қазақстанның еңбек сіңірген қайраткері, мемлекеттік сыйлықтың иегері Марфуға Айтхожаның өлеңдерін жырсүйер оқырмандарға кеңінен насихаттау.
